◆ होइहें अंजोर : बिजेन्द्र कुमार तिवारी ◆
*
कहिया दिन पलटिहें,
होई हामरा घरे भोर।
बोलऽ ए भगजोगनी,
कबले होइहें अँजोर।।
*
तू तऽ भगजोगनी से,
भइलू मरकरी।
बोलऽ बोलऽ भाग के हामरा,
बलब कबले जरी।।
*
चारु ओरिया होखे लागल ,
अजबे अजबे शोर।
बोलऽ ए भगजोगनी...
कबले होइहें अँजोर।।
*
भारी भरकम बड़ूवे हामरा,
करनी के ओजन।
मन करे बन जइति,
हमहूँ हैलोजेन।।
*
हामरा ए अंन्हरिये में,
मिलता आराम।
दुनिया से हामरा बा,
बोलऽ कवन काम।।
*
बाकी....,
भइल मोर पालानी वाला
पिलवो अँखफोर।
बोल ए भगजोगनी
कबले होइहें अँजोर।।
*
जुलूमी के राजे
रोजगार भइल ठंढ़ा।
लागता कि रहे पड़ी
जिनगि भर बंडा।।
*
सबकुछ बिकाइल जाय,
फइले महंगाई।
ठंढा से खोंसी मरल
दावा बिनु माई।।
*
सभे बा ताबाह अइसन
बर दिहलू जोर।
बोल ए भगजोगनी
कबले होइहें अँजोर।।
*
पह फाटी सगरो जे
जागी सब लोग।
तब बोलऽ फेर का
लगइबू कवन जोग।।
*
खूब भरमइलू काम
भइल सब आकाज।
घोर के पी गइलू,
शरम हाया लाज।।
*
कहेलें बिजेन्दर
तू ईमान राखऽ थोर।
बोलऽ ए भगजोगनी
कबले होइहें अँजोर।।
* * *
7250299200
