हाही बेहाया......
बिजेन्द्र कुमार तिवारी (बिजेन्दर बाबू)
************************
नाहीं एके लाज नाही धरम ना दाया
का कहीं बिया इ तऽ हाही बेहाया..
चले के ना लूर ना सहुर कवनो बात के
मान के ना भान,ना ठेकान एकरा जात के
एकारा के घेरले बा शैतान वाला साया
का कहीं बिया इ तऽ हाही बेहाया
करे नाहीं करे देवे, नेक निमन काम
साफ मेहनती लोग के करे बदनाम
कुल्ही संस्कार के इ कइलस साफाया
का कहीं बिया इ तऽ हाही बेहाया..
गुण के आभाव में सजवले बिया रुप
बात करत एकारा से हो जाला हूक
बदलेले खूब इ डरेस नाया-नाया
का कहीं बिया इ तऽ हाही बेहाया...
रहिह बिजेन्दर बाबू एकारा से बच के
भेजलें विधाता चारू ओर से ओरच के
हमरो पर बनइह आशीर्वाद वाला छाया...
का कहीं भइया इ तऽ हाही बेहाया...
-------------------------------
✍️बिजेन्द्र कुमार तिवारी
🙏बिजेन्दर बाबू🙏
गैरतपुर, माँझी
सारण, बिहार
मोबाइल नंबर:-
7250299200
